ا
السلام عليكم ورحمه الله وبركاته خواتي
لمقادير :
كفته لحم من خزان
معكرونيه حلزونيه او سباغيتي حسب المتوفر عندكم
3 طماطات كبار مقطعين قطع صغيره
2 بصل مقطع قطع صغيره
2 فصين ثوم مدقوق
3 ملاعق صلصه الطماطم الخاصه بالمعكرونيه من العلالي (النوع اللي بالفلفل الحار) بس ترى مو حاره
معجون طماطم الحجم الصغير كي دي دي
كاتشب 5 ملاعق
ملعقه متوسطة من الشطة (بوديج)
2 ملعقة متوسطة من مسحوق الكاري (العلبه الخضراء)
ملعقه متوسطة ونص.. فلفل اسود مطحون
ملعقه زعتر اورغانوا
ملح
زيت ذره
زيت زيتون
الطريقه :
1- بالمقلاه كبيره الحجم اللي ايصير معاها غطا وعلى نار هادية جدا
نظيف البصل والثوم والطماط والفلفل الأسود ومسحوق الكاري نحمس اشويه وانظيف عليه كرات اللحم...ونتركهم يتجانسون مع التقليب الخفيف بحذر عشان ما تتنتف الكفته...ويتسكر عليه بالغطا.
2- بجدر ثاني ماء عليه اشويه ملح لين يغلي الماء انحط عليه المعكرونيه ونتركة لين ينضج..
3 - بس تتسبك مقاديرنا الأولى اللي بالمقلاه اتصير مثل الصلصه الثقيله اشويه انظيف عليها 3 ملاعق صلصه المعكرونه من العلالي ونخلط وانظيف علبه معجون طماط الكي دي دي مع الملعقه الثانيه من مسحوق الكاري ويخلط ليتجانس لدقيقتين ثم نظيف عليه الكاتشب والشطة والملح وزعتر الأورغانوا ويترك ليتجانس... وعلى نار هادية لين تتمازج الصلصه وكرات اللحم تستوي .
4- نشخل الباستا واهي بالمشخال انظيف نقاط من زيت الزيتون وانحركها على الخفيف واهي بالمشخال عشان ما تتلزق ابعض ..وانحطها بطبق التقديم وعليها صلصه الطماطم وكرات اللحم وانزينها بزعتر الأورغانوا وبالعافيه...
* ممكن إضافه جبنه البارمزان المبشوره للتزين وبالعافيه.
